الناشطة صبرين جلال تكشف قصة صادمة حدثت أمامها بالعاصمة عدن

كتب الناشطة صابرين جلال :

كنت امشي بالخط متجهه لبيتنا شفت من مسافة قدامي إمرأة وطفل بجانبها شبه عاري مرتدي فقط شميز من غير سروال استغربت لمنظرهم وكيف تخرج بطفل للشارع بهذا الشكل الا وفي بالموضوع شي مريب ..
كانت مرتبكة وتتلفت هنا وهنا اوقفت باص دباب كان يمشي امامي وركبت فيه على عجالة من امرها ..
قلت وقتها بنفسي اكيد خاطفين الطفل ومتفقة مع صاحب الباص لحقتهم وعندما اقتربت من الباص ورأيت نظرات المرأة لعندي وهي خائفة ومرتبكة هنا ايقنت انه في شي بالموضوع مريب جداً خصوصاً انها قامت تصيح وتقول ليش تلاحقينا وتبكي انا على طول باشرتها الطفل الي معك ايش قصته وليش كذا مربوشة وكأنك عاملة عملة وخطفتي الطفل ؟؟
بكت بحرقة وقالت انا هاربة من زوجي ضربني وبهدلني بسبب انه واجهته يخونني مع كثير من النساء واريد اروح لأهلي وماقدرت الحق اغير لابني ملابس يله نفدت بجلدي وهربت منه واخدت ابني ..
قلت لها انزلي معي انا بوصلك لاهلك وبنفس الوقت افهم قصتها ان كانت صادقة او مجرد قصة سردتها عندما لاحقتهم ..
ركبت معي وحكت لي التفاصيل عن مشكلتها .. 
ووصلتها لعند اهلها الذي اتمنى من قلبي ان ينصفوا إبنتهم ولا يجعلوها سلعه رخيصة لزوجها الذي دايم مايضربها لانه يعرف انهم ضعفاء ويرجعوها له من جديد ..
اعطيتها ارقاااامي وقلت لها ان احتجتيني فأتصلي باي وقت .. وان ماعندك اخوان ورجال يوقفوه عند حده 
فرجال الله لسه موجودين واخوانك وسندك ..